Recent Posts

كاتب كلام حتى نهايتى ،، ضلى مسجون وعقلى حر ،، فى حياتى حاجات كتير ،، دوقتنى عسل ومر ،، ملقتش ترياق غير كتابتى

موجوع


موجوع من نفسى وعلى نفسى

موجوع من الذكريات التى لم تمت

والأحاديث الشائكة العالقة بين أوردة قلبى

موجوع من طيوفهم الرثة

وأقنعتهم المهترئة

وكل إبتساماتهم الكاذبة

موجوع من وعود البقاء كيف زٌيفت

ومن كل من ظننت أنه عضدى

حين إرتخت يداى

ولم أقوى على الاستناد !!

موجوع

وكل بوح بداخلى يختنق ولا يقوى على الحياة ...


صمت

لقد فقدت الشغف تجاه العالم كله

حتي الرغبات الدفينة بداخلي

لا أريد أن اعرف اخبار الاشخاص المهمين بحياتي

لا أشعر بافتقاد أحد

عاقل بشدة

متزن بشدة

جيد ذلك لكنه ممل

انتظر حدثا جديدا بينما لا أجتهد لصنعه

حتي حروف يومياتي هذه بدأت اشعر بالبرود تجاه كتابتها

بدأت اشعر بتساؤلات حول ماهية ما أريد أن أفعله

الفن .. الدراسة .. الشغف .. العمل .. المقهى

كل ذلك بارد !!

لم يعد تفريغ مشاعري شيئا جديدة

لم تعد نظرات الناس تثيرني

لم تعد الموسيقي أفيوني

ولا الحب مسعاي

نظرتي فجأة تتحول للامبالاة تجاه اي شيء

احيانا اشعر أن ذلك نضج

وأحيانا أشعر كأنه جبس سني الجديد

عمري يزداد وهذا خطر

لابد أن ابقي طفل !!

أنا قلق بشأن عدم حدوث هذا أكثر من قلقي علي أحلامي !!

أسامحك لا


أسامحك لا

أغفرلك لا

أنا مش نبى

أنا مش إله

******

كتير حذرتك

كتير انذرتك

من حسن حزنك

شفتك معاه

******

مبقاش الحاح

ضميرى ارتاح

... دموعك دى

دموع تمساح

هوا خفيف



رافع اسمك كأس خمرة

نبرة صوتك ضحك

كل إللى أتبقى

شوية حروف من اسمك

دلوقتى

وقتى الخاص مع نفسى

مش هفكر فى الهروب

خلاص

اتمسحت الاغانى

إسمك بارد

رمادك هش

طيرته ريح الموسيقى الرخيصة !!

القلب المجروح

سيبيه مجروح

"هوا خفيف"

"فراشة بتطير"

"خيط شمس بطيء"

بعديه تنزل ستارة الليل السودا

طيب .. سؤال

ساعة ما خرجتى منى

ليه طفيتى الروح عليا ؟!!



ما بين الريال وليفربول .. وتشيلسى وأتلتيكو مدريد



المباريات مشتعلة فى الدورى الاسبانى والانجليزى وكأس الملك ودورى أبطال أوروبا

لآ أحد يريد أن يخسر

أنا بكون فى قمة سعادتى وأنا بتابع الآحداث الكروية العظيمة دى 

وحقيقى الموود ده بيخرجنى من زهق وملل كتير فى حياتى

وأجمل حاجة لما يكون توقعك الشخصى صح

ياااااااااااااااااه كأنك الكابتن والمحلل العظيم : خالد بيومى

كورة بجد ،، ندية وقوة ،، تحس ان روحك هناك فى البلد اللى بتتلعب فيها الماتش ،، مفيش مزايدات ولا مجاملات ،، ولآ بشكر اللى معاك فى الاستديو يا كابتن !!

المهم ان الاسابيع والايام الجاية لحد نهاية شهر مايو كلها مباريات من العيال التقيل اوى اوى اوى ..

فـ إللى معتقد ان تشيلسى هيفوز بالدورى الانجليزى أحب أقوله ان فى عملاق اسمه ليفربول

وإللى معتقد ان الدورى الاسبانى أتحسم للريال ،، أحب أقوله انه كده فعلآ

وإللى معتقد ان ماتش دورى أبطال أوروبا بين الريال والبايرن أتحسم للبايرن ،، فالنادى الملكى حاضر بقوة

وإللى معتقد ان تشيلسى هيمر مرور الكرام ويتأهل لنهائى دورى الآبطال ،، فالجحيم فى ملعب أتليتكو مدريد ينتظرة

توقعاتى :

أتليتكو مدريد هيحقق المفاجأة ويتأهل ويفوز بنهائى دورى الآبطال

ريال مدريد هيفوز بالدورى الاسبانى فى الاسبوع ما قبل الاخير

ليفربول هيفوز بالدورى الانجليزى بعد غياب طويل لآن مانشستر سيتى ضيع الفرصة بدرى بدرى رغم ان ليه مؤجلات

مباراة ليفربول وتشيلسى فى الدورى الانجليزى الاسبوع بعد القادم سوف يحسمها التعادل ،، ولذلك برجح كفة ليفربول

مباراة الريال وبرشلونة فى نهائى كأس الملك :

أعتقد انها مباراة كبيرة ولكن أتمنى ان الريال يفوز بالمبارة وميصعبهاش على نفسه زى كل مرة ،، لآن برشلونة إنتهى عصر هيمنتة على الكرة !!



علشانك انتى و بس


علشان قلبك ابيض

مفروش دربك تساهيل


واقف مايل فى حبك

ده الحب ده مش تمثيل


علشان الـ آه فى لسانى

كلامى كتير بالليل


لجل عيون الحساد

كنت اكتبلك مواويل

عليل ملوش دوا


طبيب قال للعليل

عيان وداوينى

قال العليل للطبيب

وانا مين يداوينى ؟؟!

انا جايلك يا صاحبى يا دوا

علشان تداوينى

الاقيك بجرح الهوا

بتقولى داوينى

قوم يلا بينا سوا

نزرع تقاوى دوا

يشفيك ويشفينى



#تراث_2


يا جرح يا طبيب فى الجته ملاقيش بار

عم اهمه وأقوم بالقوة ملاقيش بر

وآدى الاعالى شبعونا ملاقيش بار

أنا فرحت يا ناس ياما قالوا الطبيب هادة

قولت على الله يكون جايب للعليل حاجة

أنا فرحت يا ناس ياما قالوا الطبيب حقة

قولت على الله يكون جايب للعليل حقة

طق العليل مات .. يا خسارة ملاقيش بر

#تراث


إن عشت يا دار لآبنيكى على مهلى

وأكحت أساسك ياما أبين علام لآهلى

وأبيضك يا دار بالرخم و أرنقشك بالزين

وأدق طبلى وأتم فرحنا بالزين

وأركب جوادى وأطعن العدا بالزين

وأحلف على العين ما تنظر عدو لآهلى

******
إن عشت يا دار

لـ أبنيكى يا دار على مهلى

وأكحت أساسك يا دار

لحد ما أبين علام لـ أهلى

وأبيضك يا دار بالرخام والزين

وأدق طبلى وأتم فرح عيلتى بالزين

وأركب حصانى وأطعن العدو بـ زان الزين

وأحلف على العين ما تشوف عدو لـ أهلى

#تعبان

تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان أحمد نبيل تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تخيل كم المرار وانت تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان والله العظيم تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان حتى بعد ده كله تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان تعبان !!

#عاجل : إلغاء الفصل الدراسى الثانى لأسباب أمنية

صرح مصدر مسئول من غير ما يقول انه تم وقف قرار رئاسة مجلس الوزارء بإستئناف الدراسة يوم 8 مارس لإستعادة الأمن بالمنظومة التعليمية ،، وذلك تمهيداً لإلغاء الترم الثانى بالمدارس والجامعات .

وذلك من أجل إستعادة المنظومة الآمنية بالمؤسسات التعليمية بشكل كامل جدآ ،، أو من أجل إنتخابات الرئاسة ،، أو من أجل إنفلونزا الخنازير وتبعاتها ،، أو من أجل آى شىء آخر (حسب الموقع أو الجريدة التى تنشر الخبر) .

---------

هو ده الخبر والله العظيم !!

هو ده الهبل والله العظيم !!

هى دى الإشاعات اللى مش بيتحاسب عليه حد والله العظيم !!

هو ده وقت الوزير اللى بيضيع فى الرد على الهبل ده والله العظيم !!

قد كده بقينا بلد غير واعية تماماً لما تكتب أو تسمع أو تقرأ أو تنشر !!

مين هيحاسب المواقع اللى عمالة تكتب وتفند فى الخبر المهلهل ده ؟؟

ومين هيحاسب المصدر المسئول اللى صرح بكدة ؟؟

ومين هو المصدر المسئول اصلآ ؟؟

ولو اتعرف هو مين ،، إزاى يبقى مسئول وهو بيفشى سر من أسرار المكان اللى بيشتغل فيه ؟؟

ولو اعتبرنا ان الصحفى شاطر شوية ،، هل الجرى وراء الاثارة وإفشاء الاسرار أصبح من أخلاقيات المهنة الصحفية قبل التأكد منها ؟؟

الخبر ده نشروا ناس قال ايه "ساخرون"

والاعلام هيسلط الضوء عليه ،، والمواقع الاخبارية هتنقله بحذافيرة دون التأكد منه ،، والجرايد هتكتب بكرة وتملىء عقول الناس بالهلس وملء الفراغات فى الصفحات الخاوية اصلاً حتى ولو إمتلئت بالحروف !!

الغريب اننا كـ بلد هنقعد نهرى بردوا فى الخبر !! يعنى هتلاقى اللى يقولك كويس والله لما تتلغى هو التعليم اصلا بايظ ،، أو اللى يقول طب والفلوس اللى دفعناها دى مين هيرجعهالنا ؟؟  والتانى اللى يقول نهار اسود (اسود فوق حواجبك يا شيخ) والاخير اللى هيقعد يألش ويهزر (ويرجعوا يشتكوا هو التعليم باظ من ايه!!)

هى مش حرية تعبير على فكرة .. ولكن هل للدرجة دى الثورة خلقت جيل ساخر على نفسه غير منتج فاشل فى إظهار الحقيقة  مش فالح غير فى الكلام وديماً عنده احساس الظلم والقهر والعبودية !!

مع العلم ان المظلوم فى البلد دى مش بيفتح بـٌقة اصلا "امال مين ولاد التيت اللى بيتكلموا دول"


الخبر طبعاً كاذب جدآ بدون التفحيص والتمحيص فيه وشرح أسبابه ونتائجه فى حالة تنفيذه .

ولو جم بقى يحاسبوا (والله ما هيحصل) الصحفيين اللى نشروا الخبر .. أو منبع الإشاعة نفسها ،، هيقولوا واحنا مالنا ده المصدر اللى قالنا كده !!

بلد إشاعات ،، بقت شغالة على النفى والاثبات على حسب اهوائها .. لنا الله فى مصر 

إلى لقاء قادم ...

الصخرة وكرة القدم

الصخرة وائل جمعة

اللاعب اللى بصراحة مش هلاقى وصف ليه ،، هو صخرة فعلا فى كل جوانب حياته

اللاعب اللى عمره ما تمارض أو عمل مشاكل فى فريق الاهلى أو منتخب مصر

نادراً ما تلاقى لاعب راجل وعصبه شديد فى الملعب زى وائل جمعة

وطبعاً عشان احنا بلد هزوء ،، والراجل بردوا حب يحترم نفسه وتاريخة

قالك اعتزل دلوقتى بدل ما تحصل مشاكل فى المستقبل ويبقى شكلى وحش

*****************************************************

** عمرى ما لعبت كورة فى حياتى الا نادراً مع انه كان نفسى ألعب كورة زى اى حد**

رحلتى مع كرة القدم بدأت سنة 1994 فى كاس العالم اللى كانت الولايات المتحدة الامريكية بتنظمة فى الوقت ده

وبصراحة كنت طفل ومفهمش حاجة فى الكورة خالص ،، ولكنى كنت متفاعل يعنى

ومع آى كورة تطلع بره الملعب أنا بعتبرها جووووووووووول !!

والبطولة دى أنا مشفتش فيها غير ماتشين أو تلاتة ،، بس باقى الماتشات كنت متابع فيها اسماء اللاعبين

روبرتو كارلوس ، ديفيد سوكر ، زوبى زاريتا ، باتستوتا ، ريفالدو ، بيتر إشمايكل ، ببيتو ، (زامورانو و سلس) ... إلخ

وبعدها دخلت على كاس العالم 1998 إللى كان فى فرنسا ،، والحقيقة البطولة دى هى اللى حببتنى فى كرة القدم 

 وبعد عشرة سنين من البطولة صنفها الخبراء على انها كانت أمتع بطولة فنية لكرة القدم حتى الان !!

 بطولة دورى أبطال أوروبا بردوا أنا بشوفها من زمان ولغاية دلوقتى وبنظرلها فى الماضى على انها أمهر بطولة فى العالم ،، ولكن مع الكورة الحديثة أنا بشوف حالياً أنها أقوى بطولة كورة بتتلعب على مستوى الكرة الارضية .

بالمناسبة كاس العالم كان بيتذاع على القناة التانية للتليفزيون المصرى والبطولات المهمة كلها ،، ومين ينسى دورى أبطال أوروبا لما كان بيتذاع هو كمان !!

وأنا أذكر بكل مرارة السنة اللى احتكرت فيها الـ ART - الجزيرة الرياضية سابقاً - beIN Sport حالياً بطولات الفيفا كلها والتليفزيون المصرى وقف بشكل مخزى جدآ ومدخلش فى المعمعة ساعتها ،، ولغاية دلوقتى احنا برة المعمعة بمراحل ولا يمكن ندخل تانى خلاص !!

أيام بقى (الواحد شكلة عجز ولا الزمن هو اللى اتقلب قلبه زفت)

أنا اهلاوى مدريدى منشستراوى ميلانى بفارى ،،  بس عمرى ما كنت متعصب للكورة ابداً ،، مش مهم عندى لو فرقتى اتغلبت ،، ومش بلاقى حجج فارغة أبرر بيها الهزيمة الا لو كانت أسباب ظاهرة فعلآ .

وأذكر انى أيام ما كنت مراهق وكنت فى المرحلة الثانوية ،، كان عشقى انى أجيب جريدة الاهلى اللى بتصدر مساء كل خميس من كل أسبوع

ومكنتش أروح البيت الا لما أجيبها وميهداليش بال الا لما أجمع أعددها كلها ،، ويا سلام بقى لما يبقى الاهلى بيلعب مع الزمالك ويصدر عدد خاص من الجريدة

ومهما غلوا فى تمنها كنت غاوى اوى اجيبها وأقراها وبعدين أحتفظ  بيها --- بس خلاص بقى كل ده إنتهى مع الايام والعادات اتغيرت تماماً !!



إلى لقاء قادم

#عن


تقولى ايه اللى ينرفزك ؟؟

أقولك بمنتهى السرعة : الغباوة !!

كل واحد حر فيما يكتب ،، ولكن لما تكتب حاجة ياريت تكتبها صح وبدون رتوش متخلفة 


من سنة تقريباً لآحظت إنتشار جمل رهيبه ،، سواء فى صياغتها أو ما تؤول إليه

والمشكلة فى الجمل دى ان كلها بتبدأ بحرفين (عين و نون) #عن .


عن حد هتموت وتكلمه

عن حبيبى اللى مش قادرة أنساه

عن اللحظات الحلوة إللى كانت ما بيننا

عن الشخص اللى بيعمل من الفسيخ شربات

عن واحد كان بياكل كشرى والشطة وقفت فى زورة


حاجة تحزن بجد ،، جمل مرسلة وفارغة من الكمال اللغوى

والمقصود منها انها توضعك فى شعور معين وتخليك تحن للشعور ده وتتخيله فى ذهنك على حسب طريقتك

مع العلم ان عمرك ما مريت بالشعور أو الاحساس ده مطلقاً

الجمل الناقصة لغوياً دى على المجال البعيد هتخلق حالة من نصف الشعور أو معايشة الخيال

أنا بقى عن نفسى مبحبش النوع ده من الجمل ،، وبيجيلى حالة غريبة بتخلينى عايز أشتم اللى كاتبها شتيمة ملهاش أول من أخر .

أنت ليه عمال تعنعن أما ممكن تكتب جملة كاملة الاركان توصف بيها شعورك ،، صدقنى هتوصل للآخر بشكل أعمق وهيحسها اوى اكتر مما انت متخيل .

دى مجرد كانت تنفيسة مش أكتر ،، وهرجع وأقول ان كل واحد حر يكتب اللى هو عايزة .

بس وحياة أمك بلاش تعمل "عن" هاش تاج !!

ملحوظة :

التدوينة مزيج من اللغة العربية واللغة العامية المصرية .

تم وضع علامة # قبل كلمة عن لـ يرى التدوينة أصحاب ال#هاش_تاج عن .


ذكريات جامعية - الجزء الثانى


بدأت مأساتى مع كلية الاداب ساعة التقديم للاقسام (التنسيق الداخلى)

والحقيقة أنا كنت مقبول لآقسام كتيرة فى الكلية ماعدا تلات أقسام

وكان إختيارى الاول هو قسم اللغة العبرية ،، وطبعاً ساعتها سمعت من داخل القسم ان الناس كلها بتسقط فى سنة أولى ومش بيكون ليها مستقبل وانهم بياخدوا دروس مع الدكاترة .......... إلخ

فبدأت أحول وجهتى لقسم الحضارة الاوروبية ،، وفعلآ حولت للقسم ده بعد زن من عيلتى 

فى أول محاضرة لقيت عدد 700 طالب على ما اتذكر (الانتساب والانتظام مع بعض) حاضرين المحاضرة فى مدرج مش بيساع الا 300 طالب !!

طبعاً قعدت على الارض والدكتور حسسنى أنا واللى قاعدين جنبى اننا يا عينى لاقيين مكان فى المدرج ومش عايزين نقعد فيه وحابيين قاعدة الارض !!

المهم الدكتور دخل المدرج وقفل الباب وولع سيجارة والحقيقة مش متذكر اسم الدكتور ايه ،، ولكن السجاير كانت مارلبورو !!

الدكتور زعق بعلو صوته "كعادتهم يعنى" : مش عاااااااااااااااايز صوت الجو حر وأنا مش طايق نفسى ... على أساس اننا مش بنى آدم وبنتنفس زيه بالظبط

وطبعاً لكم أن تتخيلوا 700 طالب بيتنفسوا اساساً ،، والغريب انه مش عايز يسمع صوت !!

عرفنا بنفسه وقالنا انه دكتور يونانى حديث وقعد يكلمنا عن مميزات اللغة نفسها وعبقريته فى تدريسها ،، كان مبالغ فيه بصراحة !!

المهم وهو بيتكلم لقى طالب بيتكلم مع بنت جنبه (اظاهر كان بيقولها شيلى الشنطة عشان اعرف اقعد) فالدكتور قفشه وقاله اطلع برة انت وحبيبة القلب اللى جنبك ،، وبعدين زعقلنا احنا كدفعة وقالنا : أنا مبحبش حد يتكلم فى محاضرتى ،، أنا عصبى ولسانى قليل الادب ،، وآى خول هيتكلم بعد كده هقطعله الكارنية بتاعه !!

وبعدين مشى بعد ما قعد ربع ساعة كانت من جحيم (حر وزحمة وقلة ذوق )

خرجت بعدها من المحاضرة وقررت أروح وأهرب من الجو الزفت ده ،، حتى كان عندى محاضرة بعدها ولكن محبتش حتى اعرف هى فين وبالفعل روحت وانا فى قرارة نفسى انى هحول وجهتى لقسم يكون أفضل من الاتنين اللى فاتوا !!

بعدها بيومين دخلت الكلية وحولت وجهتى على شباك شئون الطلبة اللى قعدت قدامه شهر ونص بالتمام والكمال ،، رايح جاى علشان احول من القسم اللى انا فيه !!

بعد محاولات مريرة وانتقالى من قسم لقسم (حولت كمان فى النص لقسم جغرافيا .. ودراما ونقد مسرحى

المهم اصطدمت فى الاخر بإتنين معيدين كانوا قاعدين فى قسم جغرافيا أحدهم بقى دكتور دلوقتى ،، وبعدها قررت انى ادخل قسم المكتبات والمعلومات بعد ما اتشديت للأسم اوى (مكتباااااااااااااااااااااااااات ومعلوماااااااااااااااااااااااااات)

وبدأت رحلتى مع القسم فى منتصف شهر أكتوبر سنة 2007 ،، وكانت اول محاضرة ليا


إنتظروا الجزء التالت

يـٌتبع

ذكريات جامعية - الجزء الاول


أنا كنت فى دفعة قسم المكتبات والمعلومات إللى دخلت الكلية سنة  2007

اسطورة الدفعة  بتقول ان بعد التخرج  معظم بنات الدفعة اتجوزوا + ولد وحيد والتانى جاى فى السكة ،،وأغلبية اللى اتجوزوا دلوقتى معاهم أطفال

كانت آخر دفعة المحترمين فى قسم المكتبات والمعلومات جامعة عين شمس

الغريب فى الموضوع ان كل ولد أو بنت فى الدفعة كانوا شايفينى بمنظور و وجهة نظر مختلفة عن التانى

مع انى بنى آدم واحد مش بتغير لا فى تصرفاتى ولا أفعالى

أنا لسه زى ما أنا .. يعنى متغيرتش ومبقتش حد تانى .. بس بقيت مدردح حبتين !!

كعادتى أيام زمان بعد ما كنت خارج من مرحلة مراهقة عنيفة ، انى أكون مكسوف من آى مجموعة أصحاب جديدة بتعامل معاهم 

بس مع الوقت تأقلمت سريعاً مع دفعتى ،، لدرجة ان فى ناس بدأت أعرفها وأسلم عليها لما كنا  فى سنة رابعة !!

لذلك بعتبر فترة الجامعة هى أحسن فترات حياتى (بكذب طبعاً)

ولكن العيب مش فى الناس ،، العيب نوعاً ما كان عليا ،، لانى كنت بتكسف جدآ ساعتها

وده إللى وضعنى فى صندوق مع مجموعة (أخشى الله أن أقابلهم فى جهنم)

ولآنى ناجح فى شغلى فى مجال المعلومات على الانترنت قبل ما ادخل كلية الاداب ،، كان طبيعى انى الاقى الفشل مستنينى فى دراستى الجامعية وفاتحلى درعاته

(الظلم والغش والفشل والتكاسل والخوف والاهمال) كل دى عوامل خلتنى أستمر فى الكلية بعد الاربع سنين الطبيعيين

مكنتش مدرك ساعاتها آى عامل من العوامل دى غير انى كنت مهمل اوى ..أهمال نفسى وأهمال صحى !!

الاهمال النفسى ناتج من التخبط فى القرارات والصمت الكتير اللى كنت ببقى فيه

والاهمال الصحى ناتج عن ترك الرياضة اللى كنت بلعبها ،، وانى مكنتش بفطر الصبح خالص

وتقريباً مكنتش بآكل بشكل منتظم طوال تلات سنين ،، وبشرب شاى كتير على الريق الصبح

وده كان بينفر ناس كتير منى لآن ريحة نفسى كانت وحشة ،، بجانب ان كان عندى ضرس منغص عليا حياتى ساعتها

والسطر اللى فوق ده  كان بيخلينى بنسبة قليلة انى اسكت علشان مشوفش نظرة الاشمئزاز فى عيون الناس اللى بكلمها



إنتظروا الجزء التانى

يـٌتبع

بنات



انتوا البنات يا بنات

طول عمركم فاتنات


من كتر ما عرفتكم

دوبت فـ جمال ألوفات


وأنا نفسى أكتب قصايد

فى عشقكم بالذات


كل البنات حكايات

أصل البنات مزاجات


يحبوا شهم وأصيل

و يحبوا أبو شنبات


يحبوا راجل جدع

يدي وما يقول هات


يعيشوا مع بسمته

وفـ حضنه بالأوقات


حب الرجال ليكم

مش حب ذات


حبى أنا ليكم

أكبر من حب الذات

حب بس بخوف



خليك فاكر يا هوا

اللعب عالمكشوف

وإن دارت الايام

منك ياما حنشوف

حبيتها طير فى السما

بس الرياح عاتيه

والطير مهما أرتفع

ديماً ماليه الخوف