Recent Posts

كاتب كلام حتى نهايتى ،، ضلى مسجون وعقلى حر ،، فى حياتى حاجات كتير ،، دوقتنى عسل ومر ،، ملقتش ترياق غير كتابتى

سؤال محيرنى




يا بخت إللى عنده من الصحاب اتنين

وواحدة بتحبه شايله بدل قلبها .. قلبين

وعقل راسى بينسى حمول السنين

لكن بيتبقى سؤال محيرنى :

معمول من ايه يا طين ؟؟

الحزن بحر ..




عملت مركب من الفرح

ملقتش مقداف فى الحياه

دى المية راسيه وبنجرح

والقلب قالى ماقولش آآه

يمكن !!




يمكن كلامك

وعشقى لغرامك

هو إللى دفى قلبى من البرد

ما يمكن حقيقى وأنا مستعد

أحضن نسايم همس الشفايف

وانتى بتقولى بحبك بجد

الحياة اصلآ حرب





سيبك من كل اللى فات

من القلب اللى اتخنق

والفكر اللى اتشنق

والعقل اللى مات

سيبك من كل اللى فات

دى اصلآ حرب

سيبك من كل اللى اتدلدق عالارض

وخد من اللى فى الكاس

أشرب .. إرتوى

ومتنساش تبخ ف وشوش الناس

سيبك من كل اللى فات

الدنيا دى لعبة ف ايدين اموات

صدق قد ما تصدق تنداس

كلامك كان خشب وإتشق بالفاس

سيبك من الحياة وانت بتعد الانفاس

رأيك إندفن وخلصنا خلاص


لما بتقولى بحبك




لما بتقولى بحبك

كلمه رايحه وكلمه جايه

الوحيده اللى بتاخدنى لدنيا تانيه

دنيا فيها لكل كلمه الف معنى

لما بتقولى بحبك

بحس ان النبره من صوتها نغم

وابتدىء أتقل عليها وهى بتقولى نعم

والحياة بتفوت ثوانى

قبل ماعرف ايه اللى جابنى وايه رمانى

تطبع شفايفها فـ خدودى

أزعق أنا بعلو صوتى

والكون كله يكون سامعنا

ما بين الوقت والتانى



أموت ف الحب والاشعار

وخلق بتنكوى بالنار

وعقل بيحسدوه ديماً

وفكره مالها آى قرار

*******_-_*******

أموت فى الشوق وتعذيبه

وناس عنى ما بيغيبوا

بفكر فـ إللى جارحنى

وبنسى دوايا وطَبيبه


*******_-_******* 

أموت متصحنيش يابا

دى دنيا ساقيه قلابه

يومين معايا بقصيده

وتالت يومها متسابه