Recent Posts

كاتب كلام حتى نهايتى ،، ضلى مسجون وعقلى حر ،، فى حياتى حاجات كتير ،، دوقتنى عسل ومر ،، ملقتش ترياق غير كتابتى

مدونتى


بسم الله الرحمن الرحيم


أنا أحمد نبيل (مدون حر وكاتب مقالات)

أول لما بدأت تدوين من عشر سنين تحديداً وأنا مالينى الشغف انى أعمل مدونة حره فى اسلوبها وفى طريقة الكتابه فيها .

وها أنا أجد ضالتى فى مدونتى الجديدة "طراطير" إللى اسمها مستوحى من طراطير الكلام والمواقف مش البتاع الورق اللى بنلبسها فى راسنا .

يمكن الوقت ده أنا شايفه مناسب جدآ لبداية صفحه تانية فى حياتى ،، مش هكون متقيد فيها بـ شىء غير بعقلى وكتاباتى فقط .

المدونة زى ما حضراتكم شايفين باللغة العامية ،، وإن شاء الله هكتب فيها عن كل حاجه فى حياتنا ،، مواقف - ازمات -أفكار - نوع من الروحانية - ونوع من الادب - ونوع من الاباحه وقلة الادب .

محدش ينزعج من قلة الادب لآن هيكون ليها سكشن أو صفحة لوحدها فى المدونه وهتكون بإسم "للكبار فقط" والكبار هنا مقصود بيها للكبار فى ذهنهم إللى معندهمش تكلف أو حب سفسطه .

التعليقات هتكون متاحة للجميع ،، ومش شرط تكتب اسمك فى التعليق ،، يعنى ممكن تعلق زى ما انت/ى عايز بمنتهى الحرية حتى لو كتبت شتيمة ،، وللعلم أنا مش بحذف التعليقات نهائياً و برد عليها كلها حتى اللى بالشتيمة .

ملحوظة أخيرة :

المدونة لسه فى بدايتها ،، أعذرونى لو كان شكلها لسه بدائى . 
 

اهلآ بيكم ديماً فى عالمى ، ويارب أكون ضيف خفيف أو تقيل عليكم
إرسال تعليق